Манай боксын баг тамирчдын энэ удаагийн Европын цувралын сүүлийн тэмцээн Чех Улсын “Usti Nad Labem Challenge” байлаа. Энэ жил 55 дахь удаагаа зохион байгуулагдаж буй энэ нэр хүндтэй тэмцээнд Монголын баг тамирчид нэг алт, хоёр мөнгө, нэг хүрэл, нийт дөрвөн медаль хүртэж амжилттай оролцолоо.

Медаль хүртсэн боксчид:

1. Алтан медаль-Эрдэнэцогтын Бат-Өлзий

2. Мөнгөн медаль-Алдархишигийн  Баттулга

3. Мөнгөн медаль-Эрдэнэдалайгийн Мичидмаа

4. Хүрэл медаль-Хархүүгийн  Билгүүнсайхан

    Сонирхуулахад одоогоос 40 жилийн өмнө МУГД. Ж.Энхтөр энэхүү нэр хүндтэй тэмцээнд Кубын алдарт боксчин Вальдасыг ялж алтан медаль хүртэж байжээ. Ийнхүү сар гаран үргэлжилсэн Европын цуврал тэмцээн өндөрлөхөд Монголын баг тамирчид  таван алт, долоон мөнгө, дөрвөн хүрэл, нийт 16 медаль хүртсэн амжилт гаргасан байна. Одоо тэдний дараагийн тэмцээн зургадугаар сарын 30-наас долдугаар сарын 7-ны өдрүүдэд Казахстан Улсын нийслэл Астана хотноо зохион байгуулагдах дэлхийн цомын тэмцээн байх болно.