Жүдо бөхийн 2025 оны дэлхийн аварга шалгаруулах тэмцээний гурав дахь өдрийн барилдаан өнөөдөр Унгар Улсын Будапешт хотод эхэлнэ. Энэ удаагийн ДАШТ-д дэлхийн 93 орны эрэгтэй 294, эмэгтэй 262, нийт 556 жүдочин өрсөлдөж байгаа. Өнөөдөр эрэгтэйчүүдийн 73 кг, эмэгтэйчүүдийн 57 кг-ын жингийн барилдаан болно.

ЭРЭГТЭЙЧҮҮДИЙН 73 КГ-Д О.УРАНБАЯР, Л.АНХЗАЯА

     Эрэгтэйчүүдийн 73 кг-ын жинд 41 тамирчин барилдана. Манай улсаас ОУХМ Одгэрэлийн Уранбаяр “В” хэсгийн нэгдүгээр тойрогт Австрийн Samuel GASSNER-тай таарсан. Хэрэв түүнийг ялж чадах юм бол хоёрдугаар тойрогт, шөвгийн 16-д Мороккогийн Hassan DOUKKALI-тай барилдана. Түүнийг ялах юм бол шигшээ найм руу орох боломж, үүд хаалга нээгдэнэ.

     Дэлхийн аваргын хүрэл медальт, ОУХМ Лавжаргалын Анхзаяа “D” хэсгийн нэгдүгээр тойрогт Унгарын 21 настай залуу тамирчин Aron SZABO-той таараад байна. Хэрэв түүнийг ялах юм бол хоёрдугаар тойрогт Узбекистаны шилдэг тамирчин Shakhram AHADOV-той барилдана.

ЭМЭГТЭЙЧҮҮДИЙН 57 КГ-Д Т.АРИУНЗАЯА

    Эмэгтэйчүүдийн 57 кг-ын жинд 35 тамирчин өрсөлдөнө. Манай улсаас өсвөр үеийн дэлхийн аварга, насанд хүрэгчдийн 2025 оны Азийн аваргын хүрэл, “Токио-2024” их дуулгын хүрэл медальт, 18 настай өсвөр үеийн тамирчин, ОУХМ Тэрбишийн Ариунзаяа барилдана. Тэрбээр “В” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт Австралийн хашир туршлагатай тамирчин Tinka EASTON-той таарсан. Хэрэв түүнийг ялж чадах юм бол гуравдугаар тойрог, шөвгийн 16-д Сербийн Marica PERISIC, Азербайжаны Fidan ALIZADA нарын хэн ялсантай барилдана.