Монголын Үндэсний олимпын хорооны удирдлагуудын зүгээс аль ч спортын төрөл, хороодыг дэмжин хамтарч ажиллах боломж нөхцөлийг бүрдүүлсээр ирсэн билээ. Олон улсын олимпын хорооны гишүүн, МҮОХ-ны ерөнхийлөгч Б.Баттүшиг, ерөнхий нарийн бичгийн дарга Э.Бадар-Ууган , тэргүүн дэд ерөнхийлөгч Ч.Наранбаатар нар Монголын тусгай олимпын хорооны удирдлага, төлөөллийг хүлээн авч хамтран ажиллах гэрээнд үзэглэв.

   Тусгай олимпын хороог төлөөлж гүйцэтгэх захирал Б. Алтанцэцэг, спорт хариуцсан захирал Б.Мөнх-Од тэргүүтэй албаны төлөөлөл оролцов. Олон улсын тусгай олимпын хөтөлбөрт нийгэмд эзлэх байр суурь, нэр хүнд, нөлөөлөл, эерэг дадалтай олны танил эрхмүүдэд “ Үндэсний элч” -ээр нэрлэн өргөмжилдөг. Тэд энэ удаад Олон улсын олимпын хорооны гишүүн, МҮОХ-ны ерөнхийлөгч Б.Баттүшигийг энэхүү элч төлөөлөгчөөр сонгож өргөмжлөл гардуулав.