Энэ өдөр “Бөртэ чоно-2024”-ийн “Шилдэг шүүгч”, Монголын хүндийн өргөлтийн холбооны олон улсын шүүгч, ОУХМ Лхагвасүрэнгийн Одгэрэл мэндэлжээ. Тэрбээр Сүхбаатар аймагт ерөнхий боловсролын дунд сургуулийг төгссөн.  Дунд сургуульд байхдаа спортыг нэг их ойшоож сонирхдоггүй хүүхэд байжээ. ЕБС-ийг төгсөх үед аав нь “Миний охин БТДС-ийн хуваарь ав” гэхэд нь зөрөөд ХААИС-ийн нягтлангийн анги авчихсан гэдэг.

    Тэгээд оюутан болоод найзын хамт цагаан сарын барилдаан үзэж, нутгийн бөх улсын начин Б.Магалжавыг түрүүлэхийг харж, бөхийн спортыг сонирхож эхэлжээ МУГТ Б.Буядаа багшийн шавь болж жүдо бөхөөр хичээллэж эхэлсэн. Жүдочид хүчний бэлтгэлээ штангийн танхимд орж хийх болсон тэр цагаас эхлэн хүндийн өргөлтийг сонирхох болсон гэсэн. Тэгээд нэг их удалгүй жүдо бөхөөр хичээллэхээ больж хүндийн өргөлтийн спортыг сонгосон байдаг.

    Хүндийн өргөлтөөр Ази тивийн аварга шалгаруулах тэмцээнээс мөнгө, хүрэл медальтай. Л.Одгэрэл Хятадын Биеийн тамирын дээд сургуулийг төгссөн.  Монголын хүндийн өргөлтийн холбооны анхны эмэгтэй дасгалжуулагч, Хүндийн өргөлтийн олон улсын шүүгч юм. "Токио-2020", "Парис-2024" олимпын наадам, "Ханжоу-2022" Азийн наадам, ДАШТ-ий шүүгчээр ажилласан.