Монголын үндэсний олимпын хороо дэлхийн мастеруудын их наадамд амжилттай оролцож медаль хүртсэн тамирчдыг хүлээн авч уулзан, хүндэтгэл үзүүлэв.  Тайвань Улсад дэлхийн мастеруудын Х наадам болж 107 орны 25 мянга гаруй тамирчин өрсөлдсөн бөгөөд манай улсаас спортын 11 төрөлд 35-90 насны нийт 307 тамирчин өрсөлдсөн билээ. Монгол Улсын баг тамирчид тус наадмаас 67 алт, 67 мөнгө, 61 хүрэл медаль хүртсэн юм.