Монголын үндэсний олимпын хорооны Гүйцэтгэх зөвлөлийн гишүүдийн хурал “Олимпик хаус”-т үргэлжилж байна. Хурлаар “Милан Кортина” өвлийн олимпын наадам болон ирэх аравдугаар сард Бахрайн Улсад зохион байгуулагдах Азийн залуучуудын III наадмын бэлтгэл ажлын төлөвлөгөө болон ажлын явцын тухай хэлэлцэж байна.

    Мөн хурал дараах чиглэлээр үргэлжилнэ. “Улаанбаатар-2030” залуучуудын олимпын наадамд нэр дэвшиж буй үйл явцын мэдээллийг сонсоно. Үүнээс гадна Олон улсын олимпын өдрийн тухай мэдээлэл,  МҮОХ-ны 70 жилийн ойн бэлтгэл ажлыг хангах ажлын хэсэг байгуулах тухай цаг үеийн асуудлыг хэлэлцэх юм.