Чех Улсын Усть-над-Лабем хотноо зохион байгуулагдаж буй боксын “Гран при” тэмцээн Үндэсний шигшээ баг оролцож байна. Тус тэмцээний эрэгтэйчүүдийн 65 кг жинд Э.Бат-Өлзий Финлянд Улсын тамирчин Исмайл Умар, Словак Улсын тамирчин Мирослав Герцег нартай тулалдаж ялалт байгуулаад байна.

      Энэхүү “Гран при” тэмцээний эмэгтэйчүүдийн 48 кг жинд Э.Номундарь Норвеги Улсын тамирчин Ахади Лукунгутай тулалдаж ялалт байгуулсан бол 57 кг жинд Э.Мичидмаа Словаки Улсын тамирчин Барбара Ловасоватай тулалдаж мөн ялалт байгууллаа. Эрэгтэйчүүдийн 55 кг жинд Х.Билгүүнсайхан Германы тамирчин Али Эль Саритай тулалдаж ялалт аваад байна.