Монголын жүдо бөхийн холбооны ерөнхийлөгч Х.Баттулгын санаачлагаар Үндэсний шигшээ багийн дэргэд жүдо бөхийн “Өсвөр үеийн шигшээ баг”-ийг байгуулахаар болсон билээ. Тус шигшээ багийн ахлах дасгалжуулагчаар ОУХМ Ц.Тэнгис, дасгалжуулагчдаар МУГТ Д.Төмөрхүлэг, Казахстан Улсын гавьяат тамирчин Г.Отгонцэцэг нарыг сонгоод байгаа.

      Тэгвэл “Өсвөр үеийн шигшээ баг” маань анхны нэгдсэн бэлтгэлээ 2025 оны зургадугаар сарын 11-ны билэгт сайн өдөр эхлүүллээ. Энэхүү өсвөр үеийн шигшээ багт 2025 оны өсвөр үеийн Монгол Улсын аварга шалгаруулах тэмцээнд алт, мөнгө, хүрэл медаль хүртсэн тамирчид багтсан бөгөөд 2025 оны наймдугаар сард Болгар Улсын Софи хотод зохиогдох дэлхийн аварга шалгаруулах тэмцээнд оролцохоор бэлтгэлээ хангана.