Сагсан бөмбөгийн “U21” насны Ази, Номхон далайн бүс нутгийн “FIBA 3x3 Nations League, Stop-2”-ын тоглолт өчигдөр явагдлаа. Монгол Улсын охидын баг “Stop-2” амжилттай өрсөлдөж  тэмцээний дэд байрт орлоо. Манай охидын баг Сингапурын багийг 20:9-өөр, Шинэ Зеландын багийг 17:16-аар ялж финалд шалгарсан. Аваргын төлөөх тоглолтод эзэн орон Хятадын багт 18:10-аар хожигдож, хоёрдугаар байрт шалгарсан байна. Шүүгчид Хятадын багийн талд илт давамгай байдал үүсгэсэн шүүлтийг хийж байлаа. Манай охидын багийн бүрэлдэхүүнд Б.Болор-Эрдэнэ, А.Хонгорзул, Б.Нямцэцэг, Э.Энхбуян нар тоглосон юм.