Монгол Улсын гавьяат тамирчин, дэлхийн аваргын хүрэл медальт Балдоржийн Мөнгөнчимэг энэ өдөр мэндэлжээ.  Тэрбээр "Будапешт-2017" жүдо бөхийн ДАШТ-д 63 кг-ын жинд зодоглон, хүрэл медалийн төлөөх барилдаанд Хятадын хүчтэй, бяртай бөх Ян Жуншиатай  барилдан цэвэр ялж, байсан билээ. МУГТ Б.Мөнгөнчимэг дэлхийн аваргын хүрэл медаль хүртэхдээ 23 нас, хоёр сар, 17 хоногтой байсан юм. Б.Мөнгөнчимэг гавьяат хамгийн залуудаа дэлхийн аваргын медаль авсан монгол жүдоч билээ. "Москва-2013" гранд слам тэмцээнийн хүрэлтэй гавьяат маань "Улаанбаатар-2016", "Ташкент-2018" гран прид түрүүлж, "Абу Даби-2012", "Улаанбаатар-2013" гран пригээс хүрэл медаль хүртэж байсан юм.