Сагсан бөмбөгийн “BCL Asia буюу 2025” Азийн аваргуудын лигийн тэмцээн  Арабын Нэгдсэн Эмират Улсын Дубай хотноо зургадугаар сарын 7-13-ныг дуустал зохион байгуулагдаж байгаа юм. Манай улсын “Хасын хүлгүүд” баг БНХАУ-н лигийн аварга “Zhejiang Lions” багийг  84:67-оор 17 онооны зөрүүтэй хожиж Дубай дахь Азийн аваргуудын лигийн эхний хожлоо авсан билээ. Харин Иран Улсын “Tabiat” багт 78:76-аар харамсалтайгаар ялагдал хүлээв. Одоо "Хасын хүлгүүд" зургадугаар сарын 11-ний өдөр Филиппиний "Meralco Bolts" багтай хасагдах шатны тоглолтоо хийнэ.