Вьетнам Улсын Ханой хотноо зургадугаар сарын 7-14-ний өдрүүдэд эмэгтэйчүүдийн волейболын Азийн Үндэстний цомын тэмцээн болж байна. Энэ удаагийн тэмцээнд Азийн 11 орны шигшээ баг хүч сориж өрсөлдөж байгаа юм.  Монголын баг өчигдөр хэсгийн гурав дахь тоглолтоо Шинэ Зеландын багийн эсрэг хийж 3:2-оор хожигдсон хэдий ч тэднээс нэг оноо салгаж чадлаа. Энэ нь манай  шигшээ багийн хувьд энэ тэмцээний анхны оноо болж байна. “В” хэсэгт Ираны баг Казахстаны багийн араас гурван хожилтой тэргүүлж эхэллээ. Харин Индонезийн баг манай багтай адил нэг ч хожил авч чадаагүй байна. Ханой хотод болж буй “AVC Nations Cup 2025” тэмцээн энэ сарын 14-ний өдөр өндөрлөнө.

В ХЭСЭГ: 

1. Казахстан - 9 оноо /3 хожил/

2. Иран - 7 оноо /3 хожил/

3. Филиппин - 7 оноо /2 хожил, 1 хожигдол/

4. Шинэ Зеланд - 2 оноо /1 хожил, 2 хожигдол/

5. Индонези - 1 оноо /3 хожигдол/

6. Монгол - 1 оноо /3 хожигдол/ явна.

     Монголын шигшээ хэсгийн шатнаа Филиппины багт 3:0-ээр, Казахстаны шигшээд 3:1-ээр хожигдсон. Шигшээ багийн тамирчин ОУХМ Г.Саруулгэрэл Филиппины багийн эсрэг 13 оноо, Казахстаны эсрэг 17 оноог авч, багийнхаа тамирчдыг тэргүүлсэн байна.           Монголын шигшээ зургадугаар сарын 11-ний өдөр Индонезийн эсрэг, зургадугаар сарын 12-ны өдөр Ираны багтай тоглох юм.