Нийслэлийн аварга шалгаруулах 3х3 барилдаанд есөн дүүргийн төлөөлөл есөн баг гурав, гурван бөхийн бүрэлдэхүүнтэйгээр нийт 27 бөх барилдаж байна. Эхний өдөр буюу өчигдрийн барилдаанд нийт дөрвөн тойрог барилдаан боллоо. Налайх дүүргийн багт улсын арслан Р.Пүрэвдагва, аймгийн арслан М.Эрхэмбаяр, аймгийн харцага Н.Ширчинхүү нар барилдав.

     Чингэлтэй дүүргийн багт улсын заан Б.Батмөнх, аймгийн заан Б.Бадамдорж, аймгийн өсөх начин Б.Баатарболд, Багахангай дүүргийн багт улсын харцага О.Мөнх-Эрдэнэ, аймгийн хурц арслан Н.Амгаланбаатар, аймгийн заан О.Доржсамбуу, Баянгол дүүргийн багт улсын харцага Б.Цэдэнсодном, аймгийн арслан Б.Хаш-Эрдэнэ, сумын заан Б.Баярцогт нар барилдаж байна.

      Харин Баянзүрх дүүргийн багт улсын өсөх идэр начин Ч.Батчулуун, аймгийн арслан Б.Батсайхан, сумын заан Ж.Буянхишиг, Сонгинохайрхан дүүргийн багт улсын начин Д.Амарсайхан, аймгийн арслан Х.Наранбаяр, аймгийн харцага Г.Гантулга, Сүхбаатар дүүргийн багт улсын начин Д.Амаржаргал, аймгийн арслан Б.Бадрал, сумын заан Е.Абылай нар барилдаж эхэллээ.

      Багануур дүүргийн багт улсын начин Б.Даваа-Очир, аймгийн арслан С.Цогтбаатар, сумын заан О.Пүрэв-Очир, Хан-Уул дүүргийн багт улсын начин Л.Энхсаруул, аймгийн арслан Е.Көптилек, аймгийн начин Н.Пүрэвдава гэсэн бүрэлдэхүүнтэй барилдаж байгаа юм.

Багануур дүүрэг 7 даваа, 3 ялалтттай

Багахангай дүүрэг 6 даваа 3 ялалттай /1 өнжсөн/

Чингэлтэй дүүрэг 7 даваа 3 ялалттай

Хан-Уул дүүрэг 6 даваа 3 ялалттай /1 өнжсөн/

Сонгинохайрхан дүүрэг 7 даваа 2 ялалттай

Сүхбаатар дүүрэг 7 даваа 2 ялалттай

Налайх дүүрэг 4 даваа 0

Баянзүрх дүүрэг 3 даваа 0 /1 өнжсөн/

Баянгол дүүрэг 1 даваа 0 /1 өнжсөн/

    Хувийн дүнгээр улсын заан Б.Батмөнх дөрөв барилдаж, дөрөв давсан, улсын харцага О.Мөнх-Эрдэнэ гурав барилдаж гурав давсан, улсын өсөх идэр начин Ч.Батчулуун гурав барилдаж гурав давсан, улсын начин Д.Амарсайхан дөрөв барилдаж гурав давсан, улсын начин Д.Амаржаргал дөрөв барилдаж, гурав давсан, улсын начин Б.Даваа-Очир гурав барилдаж, гурав давсан, улсын начин Л.Энхсаруул гурав барилдаж, гурав давсан, аймгийн хурц арслан Н.Амгаланбатаар гурав барилдаж, гурав давсан, аймгийн арслан Е.Көптилек гурав барилдаж,гурав давсан амжилтаар бусдыгаа манлайлан барилджээ.

1-р тойрог:

Налайх 1:2 Багануур

Чингэлтэй 2:1 Баянзүрх

Баянгол 1:2 Сүхбаатар

Сонгинохайрхан 1:2 Хан-Уул

Багахангай өнжсөн

2-р тойрог:

Багахангай 2:1 Багануур

Налайх 1:2 Сүхбаатар

Чингэлтэй 1:2 Хан-Уул

Баянгол 0:3 Сонгинохайрхан

Баянзүрх өнжсөн

3-р тойрог:

Багахангай 2:1 Баянзүрх

Налайх 1:2 Сонгинохайрхан

Чингэлтэй 3:0 Баянгол

Сүхбаатар 1:2 Багануур

Хан-Уул өнжсөн

4-р тойрог:

Багахангай 3:0 Сүхбаатар

Налайх 1:2 Чингэлтэй

Сонгинохайрхан 1:2 Багануур

Хан-Уул 2:1 Баянзүрх

Баянгол өнжсөн

    Зургаадугаар сарын 14-нд дараагийн дөрөвдүгээр тойргийн барилдаан үргэлжилж дүнгээ гаргах бөгөөд тэр үеэр 2024 оны намраас 2025 оны хавар хүртэлх Монгол бөхийн өргөөнд болсон нийт барилдааны дүнгээр шилдэг найман бөхийг тодруулж өргөмжлөл гардуулах юм.

     МОНГОЛЫН ҮНДЭСНИЙ БӨХИЙН ХОЛБОО