Засгийн газрын 183 дугаар тогтоолын дагуу хоёр жилд нэг удаа зохион байгуулагддаг Монголын хүүхдийн спортын зуны VIII наадам “Мөрөөдлийнхөө төлөө шударгаар өрсөлдье” уриатайгаар 2025 оны тавдугаар сарын 26-аас зургадугаар сарын 6-ны хооронд зохион байгуулагдаж өндөрлөлөө.

      Энэ удаагийн хүүхдийн наадамд Хан-Уул дүүргийн Засаг даргын дэргэдэх өсвөрийн шигшээ багийн болон нийт спортын 29 төрөлд 330 тамирчин оролцож Монгол Улсын 21 аймаг, есөн дүүргийн шилдгүүдтэй хурд хүч, авхаалж самбаагаа сорин өрсөлдөж 36 алт, 27 мөнгө, 26 хүрэл, нийт 89 медаль хүртэж багийн дүнгээр 30 байгууллагаас тэргүүн байрт шалгарсан байна.