Чөлөөт бөхийн олон улсын шүүгч Жигдэнгийн Лхагвасүрэн 1977 оны энэ өдөр Дархан хотод мэндэлжээ. Түүний аав Ардын боловсролын тэргүүн ажилтан, чөлөөт бөхийн нэрт дасгалжуулагч Ц.Жигдэн агсан Дархан хотод чөлөөт бөхийн спорт хөгжих үйлсэд үнэтэй хувь нэмэр оруулсан гавьяатан билээ. Ц.Жигдэн багш Монголын МУГТ, Ардын багш, аварга О.Балжинням, МУГД Ц.Баярсайхан, Д.Болд, Ц.Адъяа, А.Энхболд, Жаргалсайхан, Луу зэрэг шилдэг тамирчин төрүүлэн гарсан байдаг. Харин Ж.Лхагвасүрэн шүүгч аавынхаа Монголын чөлөөт бөхөд оруулсан хувь нэмэр, хөдөлмөр зүтгэлийг үргэлжлүүлэн чөлөөт бөхийн олон улсын шүүгчээр ажиллаж байгаа билээ. Тэрбээр аавынхаа нэрэмжит чөлөөт бөхийн өсвөр үеийн  тэмцээнийг жил бүр Дархан хотод зохион байгуулан явуулж байгаа.