Монгол Улсын арслан Батжаргалын Яндааг алдаршуулах Хэнтий аймгийн Дархан сумын нэрэмжит улс, аймаг, цэргийн цолтой хүчит 112 бөхийн барилдаан боллоо. Тус барилдаанд Дундговь аймгийн Эрдэнэдалай сумын харьяат, “Алдар” спорт хороо, зэвсэгт хүчний 034 анги, “АПУ” ХК-ний бөх, аймгийн хурц арслан Нямсүрэнгийн Амгаланбаатар түрүүлж, Сэлэнгэ аймгийн Цагааннуур сумын харьяат, "Алдар" спорт хороо, “Атар Трейд” ХХК, “АПУ” ХК, "Таван Хан" дэвжээний бөх, улсын арслан Баярсайханы Орхонбаяр үзүүрлэв.

      Шөвгийн дөрөвт Архангай аймгийн Хашаат сумын харьяат, "Алдар" спорт хороо, зэвсэгт хүчний-034 анги, “Залуу Ноёд” ХХК, "Бөх Билэгт" дэвжээний бөх, улсын заан С.Сүхбат, Архангай аймгийн Хотонт сумын харьяат, "Сүлд" спорт хороо, “Хатант Интернэшнл” ХХК, УСУГ, "Бөх Билэгт" дэвжээний бөх, улсын начин Э.Мөнхжаргал нар шалгарлаа.

     Шөвгийн наймд аймгийн хурц арслан Д.Алтанцоож, аймгийн арслан Б.Батдорж, аймгийн арслан М.Цэрэн нар үлдэв. Өнөөдөр буюу зургаадугаар сарын 8-ны ням гарагт 14:00 цагаас нийслэлийн “Аварга баг” шалгаруулах 3х3 багийн барилдаантай.

МОНГОЛЫН ҮНДЭСНИЙ БӨХИЙН ХОЛБОО