Монгол Улсын нийслэл Улаанбаатар хотноо сагсан бөмбөгийн  “FIBA 3x3 World Cup- 2025” тэмцээн болох гэж байна. Тус ДАШТ  зургадугаар сарын 23-29-ний өдрүүдэд зохион байгуулагдах юм. Энэ удаагийн  “FIBA 3x3 World Cup 2025” тэмцээнд оролцох Монгол Улсын эрэгтэй, эмэгтэй шигшээ багийн өргөтгөсөн бүрэлдэхүүн тодроод байна. Эмэгтэй багийн бүрэлдэхүүнд О.Хулан. Б.Ариунцэцэг, М.Цэрэнлхам, М.Булбул, Н.Нандинхүсэл, Э.Нарангоо,Б.Болор-Эрдэнэ, Б.Энхтуул, Б.Нямцэцэг багтжээ.

      Монголын эрэгтэй баг “В” хэсэгт АНУ, Япон, Латви, Монтенегро Улсын багтай багтлаа. Эрэгтэй багийн бүрэлдэхүүнд А.Ананд, Э.Дөлгөөн, Д.Дэлгэрням, О.Энхбаатар, Ц.Отгонжаргал, Г.Дөлгөөн, Г.Болор-Эрдэнэ нарыг багтжээ. Монголын эрэгтэй баг  эхний тоглолтоо зургадугаар сарын 23-ны өдөр  АНУ-ын хүчирхэг багийн эсрэг хийнэ. Үүний дараа  Латви, Монтенгро тоглоно. Хэсгийн сүүлийн тоглолтоо Японтой хийхээр хуваарь гарсан байна.