Монгол Улсын аварга  26 дахь аваргаар 2023 онд тодорсон Эрдэнэбаярын Хүслэн, Монголын бүх цаг үеийн”Номер нэг” эмэгтэй шатарчин, их мастер Батхуягийн Мөнгөнтуул нарын халз тоглолт эхэллээ . Тэдний хэн хожсон нь 2025 оны "Дэлхийн цом"-ын тэмцээнд өрсөлдөх эрхийг хүртэнэ. Тэд стандарт өрөгт хожилцохгүй бол “Рапид”, “Блиц” нэмэлт тоглолтоор л ялагчаа  тодруулах юм.

       Их мастер Б.Мөнгөнтуул  хожвол гурав дахь удаагаа  дэлхийн цомын аварга шалгаруулах тэмцээнийг зорих болно. Харин  Э.Хүслэн илүүрхэж чадвал  анх удаа дэлхийн цомд хүч үзэх юм.  2008 онд Эрдэнэбаярын Хүслэнг энэ хорвоод мэндэлж ахуйд 21 настай Батхуягийн Мөнгөнтуул мастер   “Дэлхийн ТОП-100 шатарчин”-д бичигдэж эхэлж байжээ.