Монголын үндэсний бөхийн холбооноос тавдугаар сарын 30-31-ний өдрүүдэд зохион байгуулахаар төлөвлөсөн "Нийслэлийн аварга баг шалгаруулах 3х3 багийн барилдаан"-ы товыг өөрчилсөн байна. Үндэсний бөхийн зарим дэвжээдээс ирүүлсэн хүсэлт болон Монгол Улсад анх удаа зохион байгуулагдаж буй чөлөөт бөхийн дэлхийн чансааны оноо олгох цуврал “Гран при” тэмцээн давхцаж буй зэргийг харгалзан үзэж, барилдааны товыг хойшлуулж 2025 оны зургадугаар сарын 8-14-ний өдрүүдэд 14:00 цагт зохион байгуулахаар шийдвэрлэлээ.