Дэлхийн чансааны оноо олгох “Улаанбаатар опен-2025” тэмцээний эрэгтэйчүүдийн хамгийн хүнд жин болох 125 кг-ын жинд ДАШТ-ий мөнгө, хүрэл медальт, Азийн аварга М.Лхагвагэрэл түүртэлгүй түрүүллээ. Тэрбээр финалд Дэлхийн бөхийн нэгдсэн холбооны нэр дээр барилдсан  тамирчин, Европын аваргын хүрэл медальт Зианис Храмианкоуг 5:0-ээр хожсон юм. Тэд үдээс өмнө хэсгийн шатнаа барилдахад мөн л М.Лхагвагэрэл 9:2-оор ялсан билээ. Энэ жингийн хүрэл медалийг “U20” ангиллын ДАШТ-ий хошой хүрэл медальт Туркийн Хакан Буюкчингил зүүсэн бол манай бөх “U20” ангиллын ДАШТ-ий хүрэл медальт Б.Намбардагва IV байрт шалгарлаа.

125 кг-ын дүн:

М.Лхагвагэрэл (Монгол) алт.

Дзианис Храмианкоу (Дэлхийн бөхийн нэгдсэн холбоо) мөнгө.

Хакан Буюкчингил (Турк) хүрэл.