Дэлхийн чансааны оноо олгох “Улаанбаатар опен-2025” тэмцээний 57 кг-ын жинд Азийн аваргын хүрэл медальт Б.Мөнх-Эрдэнэ, Пан-Америкийн аварга Мексикийн Роман Браво Янгийг 6:3-аар ялж, алтан медаль хүртэв. Харин “U23” ангиллын Азийн аваргын хүрэл медальт М.Даваабанди “U23” ангиллын Азийн аварга Энэтхэгийн Рахулыг 9:7-оор хожиж, хүрэл медаль авлаа.

     М.Даваабандийн хувьд “Улаанбаатар опен-2025” тэмцээнд сонгомол болон чөлөөт бөхийн төрлөөр зодоглож, хос хүрэл медаль гардсан содон амжилтын эзэн болж байна. Энэ жингийн нөгөө хүрлийг “Парис-2024” олимпын хүрэл медальт, Азийн аварга Энэтхэгийн Аман Аман авсан юм.

57 кг-ын дүн:

Б.Мөнх-Эрдэнэ (Монгол) алт.

Роман Браво Янг (Мексик) мөнгө.

М.Даваабанди (Монгол) хүрэл.

Аман Аман (Энэтхэг) хүрэл.