Монголын жүдо холбооны ерөнхийлөгч Х.Баттулгын санаачлагаар Үндэсний шигшээ баг дэргэдээ жүдо бөхийн өсвөр үеийн шигшээ багийг байгуулан ахлахаар болжээ. Өсвөр үеийн шигшээ багийн дасгалжуулагчаар “Magic team” клубийн үүсгэн байгуулагч “Женко” клубийн дасгалжуулагч ОУХМ Ц.Тэнгис, дасгалжуулагчаар “Winner” клубийн үүсгэн байгуулагч Казахстан Улсын гавьяат тамирчин, олимп, дэлхийн хүрэл медальт Г.Отгонцэцэг, “Хүлэг” клубийн үүсгэн байгуулагч Азийн наадмын аварга МУГТ Д.Төмөрхүлэг нар томилогдон ажиллахаар болсон байна.

     Өсвөр үеийн тамирчдыг анхан шатнаас нь зөв техник, мэх, мэдрэмжтэй болгохоор зорихын сацуу насанд хүрэгчдийн шигшээ багийн адил өсвөрийн тамирчдад үе, шат дараалалтай эрчимтэй хөгжлийн арга хэмжээ авч ажиллахаар төлөвлөж байна. Өсвөр үеийн шигшээ баг ирэх олимпын жилүүдийн хамгийн бат бөх суурь нь байх юм. 2025 оны өсвөр үеийн ДАШТ Болгар Улсын Софи хотод наймдугаар сард зохион байгуулагдана.

Эх сурвалж “МЖБХ”.