“Улаанбаатар опен-2025” тэмцээний сүүлийн өдөр 57 кг-ын жинд хүч сорьсон Азийн аваргын хүрэл медальт Б.Мөнх-Эрдэнэ хагас шигшээд “U23” ангиллын Азийн аварга Рахулыг 6:3-аар ялж, аваргын төлөө өрсөлдөхөөр шалгарлаа.

Тэрбээр финалд Мексикийн бөх, Пан-Америкийн аварга Роман Браво Янгтай барилдана.

      Роман Янг хагас шигшээд “Парис-2024” олимпын хүрэл медальт, Азийн аварга Энэтхэгийн Аман Аманыг 14:11-ээр хожиж, шуугиан тариад байгаа юм. Медалийн төлөөх барилдаанууд 17:00 цагаас эхэлнэ. Тэмцээнийг “С1”, “ТВ9”, “Сүлд” ТВ шууд дамжуулж байна.