“Улаанбаатар опен-2025” тэмцээний эрэгтэйчүүдийн 97 кг-ын жинд  ОУХМ Г.Ганхуяг алтан медалийн төлөө барилдахаар шалгарлаа. Азийн аварга шалгаруулах тэмцээн болон Азийн наадмын хүрэл медальт манай бөх хагас шигшээд Азийн аваргын хүрэл, “U23” насны ДАШТ-ий хүрэл медальт Энэтхэгийн Викиг 4:2-оор буулгаж авсан юм.

     Одоо тэрбээр аваргын төлөө Ираны бөх, Азийн аваргын хүрэл, залуучуудын ДАШТ-ий мөнгө, хүрэл медальт, залуучуудын Азийн аварга Ахмад Юсиф Базригалитай барилдах болно. Энэхүү иран бөх хагас шигшээд залуучуудын Европын аваргын хүрэл медальт Туркийн Ресул Гунег 8:0-ээр хожсон юм.