Дэлхийн чансааны оноо олгох “Улаанбаатар опен-2025” тэмцээний эрэгтэйчүүдийн хамгийн хүнд жин болох 125 кг-ын жинд барилдаж буй ДАШТ-ий мөнгө, хүрэл медальт, Азийн аварга М.Лхагвагэрэл хагас шигшээд “U20” ангиллын ДАШТ-ий хүрэл медальт Б.Намбардагвыг 5:1-ээр яллаа.

     Тэрбээр аваргын төлөө Дэлхийн бөхийн нэгдсэн холбооны тамирчин, Европын аваргын хүрэл медальт Зианис Храмианкоутай барилдана. Харин Б.Намбардагвын хувьд Туркийн бөх, “U20” ангиллын ДАШТ-ий хошой хүрэл медальт Хакан Буюкчингилтай хүрлийн төлөө хүч сорих юм. Медалийн төлөөх барилдаанууд 17:00 цагаас эхэлнэ.