Чөлөөт, сонгомол бөхийн дэлхийн чансааны оноо олгох “Улаанбаатар опен-2025” олон улсын “Гран при” тэмцээний эрэгтэйчүүдийн 92 кг-ын жинд  ОХУ-ын тамирчин Асхаб Саадулаев түрүүлж, Энэтхэгийн бөх, ДАШТ-ий мөнгө, Азийн аваргын гурван мөнгө, хоёр хүрэл медальт Дипак Пуниа үзүүрлэв. Энэ жингийн хүрэл медалийг залуучуудын ДАШТ-ий хүрэл медальт, ОУХМ Б.Бат-Эрдэнэ гардлаа.

      Ийнхүү дэлхийн чансааны оноо олгох “Улаанбаатар опен-2025” тэмцээний эхний гурван өдрийн дараах байдлаар Монголын сонгомол бөхийнхөн хоёр мөнгө, хоёр хүрэл, эмэгтэй чөлөөтийнхөн дөрвөн алт, зургаан мөнгө, зургаан хүрэл, эрэгтэй чөлөөтийнхөн нэг мөнгө, хоёр хүрэл медалийг аваад байна. Маргааш эрэгтэйчүүдийн 57, 61, 65, 70, 79, 97, 125 кг-ын барилдаан явагдсанаар “Улаанбаатар опен” тэмцээн өндөрлөх болно.

92 кг-д медаль хүртсэн тамирчид:

1. Асхаб Саадулаев (ОХУ) алт.

2. Дипак Пуниа (Энэтхэг) мөнгө.

3. Б.Бат-Эрдэнэ (Монгол) хүрэл.