Чөлөөт, сонгомол бөхийн дэлхийн чансааны оноо олгох “Улаанбаатар опен-2025” олон улсын “Гран при” тэмцээний 68 кг-ын жинд ДАШТ-ий мөнгөн медальт, ОУХМ Э.Дэлгэрмаа ганц ч оноо алдалгүй босоо түрүүллээ. Энэ жинд “U23” ангиллын Азийн аваргын хүрэл медальт Б.Ганцэцэг үзүүрлэсэн бол манай залуу бөх М.Батсүрэн хүрэл медаль гардав. "Аварга" сургуулийн 12-ын “Б” ангийн сурагч, 18 настай М.Батсүрэнгийн хувьд олон улсын тэмцээний анхны медалиа авсан нь энэ байв. Ингэснээр 68 кг-ын жингийн бүх медалийг Монголын бөхчүүд хүртэв.

68 кг-ын дүн:

1. Э.Дэлгэрмаа (Монгол) алт.

2. Б.Ганцэцэг (Монгол) мөнгө.

3. М.Батсүрэн (Монгол) хүрэл.