Чөлөөт, сонгомол бөхийн дэлхийн чансааны оноо олгох “Улаанбаатар опен-2025” тэмцээний гурав дахь өдөр Монголын баг гурав дахь алтан медалиа хүртлээ.  Эмэгтэйчүүдийн 65 кг-ын жинд Азийн аваргын хошой мөнгөн медальт, сүүлийн хоёр жил дараалан улсын аварга болсон ОУХМ Т.Энхжин түрүүлэв. Тэрбээр дөрвөн барилдаанд дараалан ялахдаа нийт 23 оноо авч, хоёрхон оноо л алджээ.

          Энэ жинд “U23” хүртэлх насны Ази тивийн хошой аварга, “U23” насны ДАШТ-ий хүрэл медальт Энэтхэгийн Шишка үзүүрлэв. Харин хүрэл медалийг “U23” насны Азийн аваргын 5-р байрын шагналт Н.Нархажид хүртсэн юм.

Эмэгтэй чөлөөт бөхийн 65 кг-ын дүн:

1.Т.Энхжин (Монгол) алт.

2.Шикша Шикша (Энэтхэг) мөнгө.

3.Н.Нархажид (Монгол) хүрэл.