Дэлхийн чансааны оноо олгох “Улаанбаатар опен-2025” тэмцээний 62 кг-ын жинд дэлхийн аварга, МУГТ С.Цэрэнчимэд, дэлхийн аварга, МУГТ П.Орхон нар алтан медалийн төлөө барилдахаар шалгарсан.  Тэд сүүлийн хоёр жилийн УАШТ-д дараалан финалдахад өнгөрсөн жил П.Орхон, энэ жил С.Цэрэнчимэд ялсан билээ.

     Харин энэ удаа гавьяат тамирчин П.Орхон 11:2 оноогоор өрсөлдөгчөө буулган авч, түрүүллээ.  Энэ жинд Дэлхийн бөхийн нэгдсэн холбооны нэр дээр барилдсан Оросын бөх, залуучуудын дэлхийн аварга Алина Касабиева хүрэл медаль хүртлээ.

62 кг-д медаль хүртсэн тамирчид:

1. П.Орхон (Монгол) алт.

2. С.Цэрэнчимэд (Монгол) мөнгө.

3. Алина Касабиева (ОХУ) хүрэл.