Чөлөөт, сонгомол бөхийн дэлхийн чансааны оноо олгох “Улаанбаатар опен-2025” тэмцээнд оролцож буй Монголын багийн эхний алтан медалийг ДАШТ-ий мөнгөн медальт, ОУХМ Б.Хулан авчирлаа. Тэрбээр 55 кг-ын жинд учраа бүрээ илүүрхэн ялсаар нэг ч оноо алдалгүй итгэл төгс түрүүлсэн юм. Мөнгөн медалийг “U23” насны Азийн аваргын хүрэл медальт Энэтхэгийн Пушпа хүртсэн. Харин Монголын тамирчин, залуучуудын Ази тивийн хошой аварга, ОУХМ Баянмөнхийн Отгонтуяа хүрэл медаль авлаа.

Эмэгтэй чөлөөт бөхийн 55 кг-ын дүн:

1.Б.Хулан (Монгол) алт.

2.Пушпа Пушпа (Энэтхэг) мөнгө.

3.Б.Отгонтуяа (Монгол) хүрэл.