Чөлөөт, сонгомол бөхийн дэлхийн чансааны оноо олгох “Улаанбаатар-2025” олон улсын тэмцээн үргэлжилж байна. Эмэгтэйчүүдийн 62 кг-ын жинд барилдаж буй дэлхийн аварга, МУГТ  П.Орхон хоёрдугаар тойрогт Энэтхэгийн бөх, Азийн шинэхэн аварга Маниша Манишаг даралтаар цэвэр яллаа. Ингэснээр манай бөх хэсгээ тэргүүлэн хагас шигшээд шалгараад байна. Нөгөө хэсгийг дэлхийн аварга, МУГТ С.Цэрэнчимэд мөн тэргүүлэн хагас шигшээд үлдээд байгаа юм. Их шөвөгт П.Орхон Дэлхийн бөхийн нэгдсэн холбооны нэр дээр барилдаж буй ОХУ-ын Екетарина Кошкинатай, С.Цэрэнчимэд мөн Оросын Алина Касабиеватай барилдах оноолт таараад байна.