Чөлөөт, сонгомол бөхийн “Улаанбаатар Опен-2025” дэлхийн чансааны оноо олгох тэмцээний гурав дахь өдрийн тэмцээн үргэлжилж байна. Эмэгтэйчүүдийн 55 кг-ын жинд барилдаж буй “Белград-2022” ДАШТ-ий мөнгөн медальт, ОУХМ Батхуягийн Хулан нэгдүгээр тойрогт Энэтхэгийн бөх, “U23” хүртэлх насны Азийн аваргын хүрэл метальт Пушпа Пушпаг даралтаар цэвэр ялав. Харин хоёрдугаар тойрогт  ОУХМ Баянмөнхийн Отгонтуяатай учраа таарч барилдлаа. Хоёр бөхийн барилдаан тун сонирхолтой, тэнцүүхэн өрнөж, ДАШТ-ий мөнгөн медальт, ОУХМ Б.Хулан өрсөлдөгчөө 5:3-аар хожиж, ялалт байгууллаа.