“Улаанбаатар опен-2025” чөлөөт, сонгомол бөхийн дэлхийн чансааны оноо олгох олон улсын тэмцээний гурав дахь өдөр нийт найман жингийн барилдаан эхэллээ. Дэлхийн аварга МУГТ С.Цэрэнчимэд, дэлхийн аварга МУГТ П.Орхон нарын барилдаж буй эмэгтэйчүүдийн 62 кг-ын жингийн өрсөлдөөн олны анхаарлын төвд байна. Дэлхийн аварга С.Цэрэнчимэд эхний тойрогт Дэлхийн бөхийн нэгдсэн холбооны нэр дээр барилдаж буй ОХУ-ын тамирчин, “U23” ангиллын Европын аваргын мөнгөн медальт Екатерина Кошкинаг оноогоор цэвэр ялаад байна.