“Ард санхүүгийн нэгдэл” Монголын триатлоны холбоотой стратегийн түншлэлийн гэрээ байгуулав. 2025-2029 онд Монголын триатлоны холбооны стратегийн түншээр “Ард санхүүгийн нэгдэл” дэмжин ажиллахаар шийдвэрлэж,  гэрээг албан ёсоор үзэглэлээ.

      Гэрээнд “Ард Санхүүгийн Нэгдэл” ХК-ийн гүйцэтгэх захирал Б.Золбоо, МТрХ-ны ерөнхий нарийн бичгийн дарга Б.Цагаанбаатар нар гарын үсэг зурлаа. Ёслолын үйл ажиллагаанд “Ард Санхүүгийн Нэгдэл”-ийн ТУЗ-ийн дарга Ч.Ганхуяг, МТрХ-ны дэд ерөнхийлөгч Д.Жаргалсайхан болон триатлоны тамирчдын төлөөлөл оролцов.

     Стратегийн түншлэлийн гэрээний дагуу “Ард санхүүгийн нэгдэл”-ээс жил бүр триатлоны УАШТ-ийг хамтран зохион байгуулах, “Ард санхүүгийн нэгдэл”-ийн нэрэмжит дуатлоны тэмцээнийг хамтран явуулах, урт хугацаанд ивээн тэтгэх-тэтгүүлэх чиглэлээр ажиллахаар боллоо.