Боксын эмэгтэйчүүдийн Ази тивийн аварга, Монгол Улсын арван удаагийн аварга, БХЯ-ны зэвсэгт хүчний “Алдар” спорт хорооны тамирчин, ОУХМ Т.Болортуул 1987 оны энэ өдөр мэндэлжээ. Тэрбээр Монголын эмэгтэй боксын тамирчдаас анхны Ази тивийн аварга боксчин билээ. Анх 2012 онд 48 кг-ын жинд ДАШТ-д амжилттай тулалдаж, дэлхийн аваргын медалийг оосроос атгаад л алдаж байв. Нөхөртэйгээ хамт нэг өдөр хоёулаа цэрэг, армийн ДАШТ-ээс мөнгөн медаль хүртэж байлаа. Тэр боксын спортдоо үнэхээр хайртай нэгэн. “Эзэн хичээвэл, заяа түшинэ” гэдэг үгийг хэлэх дуртай . Ер нь дандаа сайн сайхан зүйлийг бодож явдаг гэсэн. “Болно, бүтнэ” гэсэн үгийг үргэлж өөртөө хэлж, өөрийгөө хурцалдаг гэсэн шүү.