Сагсан бөмбөгийн “BCL Asia” буюу 2025 оны Азийн аваргуудын лигт өрсөлдөх эхний Зүүн Азийн баг “Taoyuan Pauian Pilots” болсон билээ .  Харин дараагийн эрхийн төлөө “Хасын Хүлэгүүд” баг “Pelita Jaya” багийг 85:79-өөр хожиж “BCL Asia final Dubai 2025”  өрсөлдөх эрхтэй боллоо.  Азийн “Топ 6” лигийн аваргууд болон “BCL Asia West”  бүсийн аварга , East бүсийн аварга, дэд аварга гэсэн есөн баг гурван хэсэгт хуваагдаж 2025 оны зургадугаар сарын7-13-ны хооронд Арабын Нэгдсэн Эмират Улсын Дубай хотноо Азийн аваргуудын лигийн аварга багын төлөө өрсөлдөнө.

Үүнд:

Хятадын “СВА” лигийн аварга “Zhejiang Guangsha Lions” баг.

Японы “B1” лигийн аварга “Utsunomiya Brex” баг.

Солонгосын “КВL” лигийн аварга “Changwon LG Sakers” баг.

Филлипиний “PBA” лигийн аварга “Meralco Bolts” баг.

Ливаны “LFB” лигийн аварга “Al Riyadi Beirut” баг.

Ираны “IBA” лигийн аварга “Tabiat Basketball” баг.

Баруун Азийн бүсийн аварга “Shabab Al Ahli” баг.

Зүүн Азийн бүсийн аварга “Хасын Хүлэгүүд” баг.

Зүүн Азийн бүсийн дэд аварга “Taoyuan Pauian Pilots” баг.