Чөлөөт, сонгомол бөхийн дэлхийн чансааны оноо олгох “Улаанбаатар опен-2025” тэмцээний эмэгтэйчүүдийн 50 кг-ын жинд Туркийн бөх, ДАШТ-ий хүрэл, Европын аваргын нэг алт, хоёр мөнгө, гурван хүрэл медальт Эвин Демирханыг, Дэлхийн бөхийн нэгдсэн холбооны нэр дээр барилдаж буй Хакас охин ОХУ-ын тамирчин, “U23” ангиллын Европын аварга, мөнхүү ангиллын ДАШТ-ий мөнгөн медальт Наталья Пудова ялж алтан медаль хүртэв.

     Сонирхолтой, шуугиантай өрнөсөн энэ барилдаанд Пудова 7:6-аар ялсан юм. Энэ жингийн хүрэл медалийг Энэтхэгийн бөх, өсвөрийн ДАШТ-ий хүрэлтэй, “U23” ангиллын Азийн аварга Нилам Нилам гардсан. Харин манай бөхчүүдээс Азийн аваргын хүрэл медальт Б.Мөнхнар IV байрт шалгарлаа.

 50 кг-д медаль хүртсэн тамирчид:

1. Наталья Пудова (Дэлхийн бөхийн нэгдсэн холбоо) алт.

2. Эвин Демирхан (Турк) мөнгө.

3. Нилам Нилам (Энэтхэг) хүрэл.