Дэлхийн чансааны оноо олгох “Улаанбаатар опен-2025” тэмцээний сонгомол бөхийн 97 кг-ын жинд Киргизстаны бөх, “Парис-2024” олимпын наадмын хүрэлтэй, Азийн аваргын иж бүрэн медальтай Узер Жузупбеков түрүүллээ.  Энэтхэгийн тамирчин, Азийн аваргын хүрэл медальтай Нитеш Нитеш үзүүрлэлээ.

     Энэ жингийн хүрэл медалийн төлөөх барилдаанд Азийн аваргын болон Азийн наадмын хүрэл медальт, ОУХМ Г.Ганхуяг, залуучуудын ДАШТ-ий хүрэлтэй Б.Бат-Эрдэнэ нар оноолт таарч, хүч сорив.

     Энэ барилдаанд Г.Ганхуяг 9:7-оор оноогоор өрсөлдөгчөө буулган авснаар ийнхүү Монголын багийн гурав дахь медалийг атгалаа. Г.Ганхуяг үдээс өмнөх барилдаанд “Парис-2024” олимпын наадмын хүрэл медальтай Узер Жузупбековтой тэнцүүхэн өрсөлдөж, эхэлж зургаан оноо аван тэргүүлж явсан ч эцэст нь 10:6-гаар ялагдсан юм.

97 кг-ын дүн:

1. Узер Жузупбеков (Киргизстан)

2. Нитеш Нитеш (Энэтхэг)

3. Г.Ганхуяг (Монгол).