Х.Болдсүх БНСУ-ын 47 жилийн түүхтэй “KCC Egis” багт нэгдээд багагүй хугацааг өнгөрөөжээ. Тэрбээр энэ жил Өмнөд Солонгосын “Бүх-Одод”-ын тоглолтын гурван онооны шидэлтийн аварга болсон билээ. Х.Болдсүх маань Өмнөд Солонгосын “KBL” лигийн “Сөүл Самсунг Тандерс” багтай гэрээ байгуулжээ. Түүнээс өмнө тус багт манай Kangbail хэмээх Н.Батбаяр тоглож байсан юм.

    Х.Болдсүх 10 настайдаа Өмнөд Солонгос руу гэр бүлийнхээ хамт нүүж, сагсан бөмбөгийн сургалттай сургуульд орж сурсан юм билээ. Монгол Улсад амьдардаг байхаасаа л сагсан бөмбөгийн талбай дээр өнждөг байсан хүү мөрөөдлөө биелүүлж мэргэжлийн тамирчин болохыг хүссэн ч иргэншлийн асуудлаас болоод олон тоглолтыг үзэгчийн сандал дээр сууж өнгөрүүлсэн байна. Х.Болдсүх мөрөөдлөө биелүүлж, 2018 онд иргэншлээ солин Өмнөд Солонгосын нэр хүндтэй багт нэгдсэнийхээ дараа Солонгосчуудын хайр, талархлыг хүртсэн тамирчин болжээ.