Монгол Улсад нисэх хүчин үүсэж хөгжсөний түүхт 100 жилийн ойд зориулсан дархан аварга цолны хүндэтгэлийн улс, аймгийн алдар цолтой хүчит 128 бөхийн барилдаанд Баянхонгор аймгийн Жинст сумын харьяат, "Алдар" спорт хороо, "Эм Си Эс" групп, “Богд Банк”, "Хос Хаш-Оюу" ХХК, "Гал Хонгор" ХХК-ийн бөх, улсын начин Энхтүвшиний Батмагнай түрүүллээ. Говь-Сүмбэр аймгийн Сүмбэр сумын харьяат, “Хилчин” спорт хороо, УБТЗ - Замын 3-р анги, “Алтанбулаг-Уул” ХХК, “Чойрын Богд” дэвжээний бөх, аймгийн хурц арслан Энхтөрийн Мөнхбаатар үзүүрлэлээ.

       Шөвгийн дөрөвт Сэлэнгэ аймгийн Цагааннуур сумын харьяат, "Алдар" спорт хороо, “Атар Трейд” ХХК, “АПУ” ХК, "Таван Хан" дэвжээний бөх, улсын арслан Б.Орхонбаяр, Архангай аймгийн Батцэнгэл сумын харьяат, "Алдар" спорт хороо, зэвсэгт хүчний 013-р анги, "Хатант интэрнэшнл" ХХК, "Тэнүүн Өлзий" ХХК, "QPay" ХХК, "Бөх Билэгт" дэвжээний бөх, улсын үнэн зоригт харцага Б.Зоригтбаатар нар шалгарлаа.

       Шөвгийн наймд улсын харцага Ш.Пүрэвгарьд, улсын харцага Г.Бадрах, улсын харцага Э.Даш, аймгийн хурц арслан Н.Амгаланбаатар нар үлдэв. Зохион байгуулагчдын зүгээс “Уран барилдаант” бөхийн шагналыг аймгийн арслан Б.Түвшинтөгсөд, “Улсын цолд ойрхон” бөхийн шагналыг аймгийн хурц арслан Н.Амгаланбаатарт тус тус гардуулав.

      Харин өнөөдөр 13:00 цагаас Баянхонгор аймгийн Баацагаан сумын харьяат, Монгол Улсын начин, бөхийн чөлөөт барилдааны ОУХМ Агвааны Норовын нэрэмжит улс, аймаг, цэргийн цолтой 128 бөхийн барилдаантай.

 МОНГОЛЫН ҮНДЭСНИЙ БӨХИЙН ХОЛБОО