“Бурхантын хөндий”-д бочигийн спортын анхдугаар тэмцээн эхэллээ. Тус тэмцээнийг Дархан-Уул аймагтаа хөгжүүлэх анхны санаачилгыг Хөгжлийн бэрхшээлтэй хүүхдийн эцэг эхийн холбооны зохицуулагч Г.Алтанчимэг гаргажээ. Дархан хотод 2024 онд “Бочи-Урам” холбоо албан ёсоор байгуулагдсан байна.

     Тус холбоо нь улсын шүүгч нэг, дасгалжуулагч дөрөвтэй аж. Тэд зургаан наснаас эхлээд насанд хүрэгчид хүртэлх нийт 50 гаруй байнгын бэлтгэл сургуулилалт хийдэг тамирчинтай болж үйл ажиллагаа нь өргөжин тэлсээр байгаа юм.

     Өнөөдөр  буюу 2025 оны тавдугаар сарын 23-ны өдөр “Бочи-Урам” холбооноос санаачлан аймаг орон нутгийн захиргаа, ХБХХТ, БТСГ зэрэг байгууллагуудын дэмжлэгтэйгээр Дархан-Уул аймгийн аварга шалгаруулах бочигийн анхдугаар тэмцээнийг зохион байгуулж байна. Тэмцээнд зургаан байгууллагын 100 гаруй тамирчин гурван төрлөөр өрсөлдөж байна.

     Дархан-Уул аймгийн бочигийн тамирчид өнгөрсөн жилүүдэд улс, олон хотын тэмцээнүүдэд амжилттай оролцож алт, мөнгө, хүрэл медалиудыг удаа дараа хүртсэн байна. Бочигийн спорт нь шүглийн дуугүй явагддаг, төрөл бүрийн хөгжлийн онцлогтой, нас насны хүмүүс хичээллэхэд хамгийн тохиромжтой спорт юм байна.