МҮОХ-ны ерөнхий нарийн бичгийн дарга Э.Бадар-Ууган өнөөдөр “International Sports Programming Initiative” олон улсын хөтөлбөрийн сургагч багш нарыг “Олимпик хаус”-т хүлээн авч уулзан амжилт хүслээ. АНУ-ын төрийн департмент, “Пи-Эйч Интернашионал” олон улсын байгууллага, АНУ-ын элчин сайдын яам, Монголын рагбигийн холбоо хамтран энэхүү хөтөлбөрийг 2025 оны тавдугаар сарын 15-26-ны өдрийн хугацаанд зохион байгуулж байгаа.

    Уулзалтад АНУ-ын арван  их сургуулийн рагбигийн дасгалжуулагч мөн Дэлхийн Рагбигийн холбооны сургагч багш Катьрине Воурст нар хүрэлцэн ирлээ. Хөтөлбөрийн хүрээнд Дэлхийн рагби холбооны дасгалжуулагчийн “Түвшин-1” сертификат олгох сургалтыг “Олимпик хаус”-т зохион байгуулах ба сургалтад амжилттай хамрагдсан багш дасгалжуулагчид рагбигийн сургалт явуулах эрхтэй болох юм.