Дархан-Уул аймгийн Засаг даргын санаачилга, нийтийн биеийн тамирыг хөгжүүлэх зорилтын хүрээнд “АЛХАЛТ-10.000” сарын аяныг эхлүүлсэн.  Энэхүү аяны хүрээнд 21 хоногийн хугацаанд бүх шатны төрийн байгууллагаас болон иргэдээс давхардсан тоогоор нийт 3350 хүн алхалтад идэвхтэй хамрагджээ.

     Тэд долоо хоног бүрийн гурав дахь өдөр нийгмийн салбарынхан нэмэлт алхалт хийж байна. Өнөөдрийн 2025 оны тавдугаар сарын 21-ний өдрийн алхалтад их, дээд сургуулиудын консорциумын багш, ажилчид, оюутнууд, Сагсан бөмбөгийн холбооны тамирчид, Шугаман бүжгийн холбоо, төрийн албан хаагчдын төлөөлөл нэгдэж өглөөг дасгал хөдөлгөөнөөр эрч хүчтэй эхлүүлсэн байна.