“Өсвөрийн тамирчдыг дэмжих жил”-ийн хүрээнд тамирчин хүүхэд багачууддаа зориулан Дархан-Уул аймгийн “Зулзагын гол” зусланд тамирчдын зуны бэлтгэлийн байрыг иж бүрэн засварлаж хүлээн авахад бэлэн болсон байна. Тус тамирчин хүүхдүүдийн байр нь 13 өрөөтэй. Энэхүү байрны цонх, дээврийн нөхөөс, дотор засал, ариун цэврийн өрөө, цахилгаан, бохир зэргийг бүрэн засварлажээ. Нэг ээлжинд 60 хүүхэд хүлээн авч бэлтгэл хийх нөхцөлийг нь хангах хүчин чадалтай юм байна.