Зэвсэгт хүчний 234 дүгээр ангийн гүүрчин аврагч, спортын дэд мастер, дэд ахлагч Б.Буянхишиг, ахлах ахлагч Э.Даваажамцтай хамт эх орныхоо баруун хязгаараас зүүн хязгаар хүртэлх 2222 км замыг туулсан амжилтаар өнөөдрөөс 2025 оны тавдугаар сарын 18-ны өдөр амжилттай дуусган гүйлтээ зогсоож байна. Ингэснээр Э.Буянхишиг Монгол Улсын хэт хотын зайн түүхэнд шинэ рекордыг энэхүү гүйлтээрээ тамгалан үлдээж чадлаа. 

     Тэрбээр Баян-Өлгий, Ховд, Говь-Алтай, Баянхонгор, Өвөрхангай, Булган, Төв аймаг болон нийслэлийн гурван дүүргийн нутаг дэвсгэрийг хөндлөн гулд туулж, баруун хязгаараас зүүн хязгаар хүртэлх 2222 км замыг 46 хоногт туулсан амжилтаар гүйлтээ зогсоож байна.

     Дэд ахлагч Б.Буянхишигийн хувьд гүйлтээ зогсоож байгаа ч төв суурин газруудад орж гарахдаа ахлах ахлагч Э.Даваажамцтай хамтдаа гүйж, “Таван цэг” багийнхнаа 5000 км зам туулж дуусгах хүртэл цугтаа явна. Тэрээр 46 хоногийн туршид тасралтгүй гүйчихсэн учраас цаашдаа өдөрт 5-10 хүртэлх км замд гүйж, биеийнхээ дасан зохицсон байдлыг нийцүүлэхээр төлөвлөжээ.