Бүсчилсэн хөгжлийн "Иргэдийн спортын их наадам"-ын Дархан-Уул аймгийн хоёрдугаар шат буюу аймгийн аварга шалгаруулах тэмцээн 2025 оны тавдугаар сарын 16-18-ны өдрүүдэд БТСГ-ын “Дархан спортын ордон”-д зохион байгуулагдаж байна. Тэмцээнд Шарын гол, Орхон, Дархан сумын зургаан бүсээс шалгарсан найман багийн 360 гаруй тамирчин өрсөлдөж эхэллээ. Дархан хотод тавдугаар сарын 28-30-ны өдрүүдэд “Төвийн бүс”-ийн тэмцээн болох юм. Тус тэмцээнд орон нутгаа төлөөлөн оролцох шигшээ багийн шалгаруулах тэмцээн үргэлжилж байна. Энэ сарын 28-30-ны өдрүүдэд Дарханд болох “Төвийн бүс”-ийн спортын наадмын сагсан бөмбөгийн тэмцээнд Сэлэнгэ аймаг, Төв аймаг, Дархан-Уул аймгууд өрсөлдөх юм байна.