Гарааны “Шимт боловсрол” ХХК нь 2019 оноос эхлэн 21-р зууны иргэдийг бэлдэх цэгцтэй, бүтээмжтэй, хүртээмжтэй боловсролын цогц шийдлийг хөгжүүлэн түгээх зорилгоор “Шимт” хөтөлбөр буюу “Stem” хөтөлбөрийг СӨБ болон ЕБС-ийн сурагчдын дунд хэрэгжүүлж байна.

     Тус компани нь “World Green Mech” олон улсын тэмцээний салбар тэмцээнийг зохион байгуулах эрхийг Монголдоо авч орон нутагт анх удаа Дархан-Уул аймгийн “Юнайтед Арена”-д “Mongolian Green Mech”-2025 тэмцээнийг “Шимт хөтөлбөр”-ийг хэрэгжүүлж байгаа цэцэрлэгүүдийн дунд зохион байгуулж байна.

     Тэмцээнд 21 аймгийн 346 цэцэрлэгийн 30 баг нийт таван настай 120 бяцхан инженерүүд ур чадвар, инженер сэтгэлгээгээ уралдуулж байна. Эхний гурван байрт шалгарсан зургаан баг наймдугаар сард Тайвань Улсад болох инженерчлэлийн олон улсын уралдаанд Монгол Улсаа төлөөлөн оролцох юм.

     Улсын хэмжээнд 350 гаруй СӨБ, 50 гаруй ЕБС-д тус хөтөлбөрийг хэрэгжүүлдэг бол Дархан-Уул аймгийн цэцэрлэг “Шимт” хөтөлбөр хэрэгждэг байна.