Боксын дэлхийн чансааны оноо олгох (Ranking point) “Феликс Стамм”-ын нэрэмжит дэлхийн цомын тэмцээн Польш Улсад энэ сарын 12-16-ны өдрүүдэд үргэлжилж байгаа билээ

      Өчигдөр эмэгтэйчүүдийн 54 кг-ын жинд М.Энхжаргал Польш Улсын тамирчин Викториа Рогалинскатай тулалдах байсан ч Польш Улсын тамирчин жингээр хасагдаж М.Энхжаргал “WO”-оор ялалтыг авав.

     Эрэгтэйчүүдийн 55 кг-ын жинд Г.Лундаа Англи Улсын тамирчин Эллис Тровбриджтэй тулалдаж ялалт байгуулсан. 55 кг жинд Х.Билгүүнсайхан Польш Улсын тамирчин Павлик Николас тулалдаж мөн ялалт байгуулав.

      Эрэгтэйчүүдийн 65 кг-ын жинд Б.Мишээлт Англи Улсын тамирчин Патрис Мугалзайтай тулалдаж ээлжит ялалтаа байгууллаа.