Чансааны оноо олгох (Ranking point) боксын “Феликс Стамм”-ын дэлхийн цомын тэмцээн Польш Улсад тавдугаар сарын 12-16-ны өдрүүдэд үргэлжилж байгаа билээ. Тус тэмцээний эмэгтэйчүүдийн 51 кг-ын жинд Б.Мөнгөнсаран эхний тулаандаа Норвегийн тамирчин Брун Анабельтай тулалдаж 4:1-ээр саналаар ялсан боловч дараагийн өрсөлдөгч болох Болгар боксчин Чуканова Златислава тулалдаж ялагдал хүлээлээ. 57 кг-ын жинд Э.Мичидмаа Узбекистаны тамирчин Хуморабони Мамажоноватай тулалдаж ялагдал хүлээлээ.

     Харин эрэгтэйчүүдийн 60 кг-ын жинд Д.Ганболд Итали Улсын тамирчин Мичеле Балдасситай тулалдаж ялагдал хүлээсэн бол тус жинд Т.Энхтөр эхний тулаандаа Туркийн тамирчин Чинар Мехметхантай тулалдаж 5:0-ийн саналаар ялалт байгуулж хоёр дахь тулаандаа Узбекистаны боксчин Олимор Самандартай тулалдаж ялагдал хүлээлээ.

Эрэгтэйчүүдийн 65 кг-ын жинд манай улсаас хоёр тамирчин оролцож сугалаагаар хоорондоо тулалдахаар болж 3:2-ын саналаар Б.Мишээлт Э.Бат-Өлзийг ялсан байна. Б.Мишээлт өнөөдөр буюу 14-ний өдөр дараагийн тулаанаа хийнэ.

2025.05.14-ний өдрийн хуваарь:

Эмэгтэй:

48 кг жинд Э.Номуундарь, Нурселен Яалгеттекин (Турк)

54 кг жинд М.Энхжаргал, Викториа Рогалинска (Польш)

54 кг жинд О.Есүгэн, Мелисса Боуноуа (Франц)

Эрэгтэй:

55 кг жинд Г.Лундаа, Эллис Тровбридж (Англи)

55 кг жинд Х.Билгүүнсайхан, Павлик Николас (Польш)

65 кг жинд Б.Мишээлт, Патрис Мугалзай (Англи) тус тус тулалдах хуваарьтай байна.