Боксын чансааны оноо цуглуулах ээлжит дэлхийн цомын “Феликс Стамм”-ын тэмцээн Польш Улсад энэ сарын 12-16-ны өдрүүдэд Варшавт “COS Torwar арена”-д үргэлжилж байна. Тус тэмцээнд 24 орны эрэгтэй, эмэгтэй 180 гаруй боксчин өрсөлдөж байгаа юм. Манай боксчдоос эхний өдөр эмэгтэйчүүдийн 51 кг-ын жинд Б.Мөнгөнсаран, Норвегийн Брун Анабелийг 4:1-ээр яллаа. Түүний дараагийн учраа Болгар боксчин Чуканова Златислава  байх болно.

     Эрэгтэйчүүдийн 60 к-ын жинд Т.Энхтөр, Туркийн Чинар Мехметханыг 5:0-ээр яллаа. Медалийн төлөө түүний дараагийн өрсөлдөгч Узбекистаны боксчин Олимор Самандар байх юм. Харин 65 кг-ын жинд  энэ жилийн УАШТ финалд шалгарсан хоёр боксчин эхний өдөр хооронд таарлаа. Э.Бат-Өлзий, ОУХМ Б.Мишээлт 2:3-ын харьцаагаар Б.Мишээл ялснаар тэмцээнээ үргэлжлүүлж Английн боксчин Мухалзай Патрис тулалдахаар боллоо.